Akshay Kumar Shambhu Song-ਬਾਲੀਵੁੱਡ ਦੇ ਖਤਰਿਆਂ ਦੇ ਖਿਡਾਰੀ ਅਭਿਨੇਤਾ ਅਕਸ਼ੈ ਕੁਮਾਰ ਫਿਲਮਾਂ ਤੋਂ ਬਾਅਦ ਹੁਣ ਮਿਊਜ਼ਿਕ ਇੰਡਸਟਰੀ ‘ਚ ਵੀ ਧਮਾਲ ਮਚਾਉਣ ਲਈ ਤਿਆਰ ਹਨ। ਹਾਲ ਹੀ ‘ਚ ਉਨ੍ਹਾਂ ਦਾ ਪਹਿਲਾ ਗੀਤ ‘ਸ਼ੰਭੂ’ ਲਾਂਚ ਹੋਇਆ ਹੈ, ਜਿਸ ਨੂੰ ਖੁਦ ਅਕਸ਼ੈ ਕੁਮਾਰ ਨੇ ਗਾਇਆ ਹੈ। ਇੰਨਾ ਹੀ ਨਹੀਂ ਇਸ ਵੀਡੀਓ ‘ਚ ਅਕਸ਼ੇ ਨੇ ਪਰਫਾਰਮ ਵੀ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸ਼ੰਭੂ ਦੇ ਇਸ ਗੀਤ ਵਿੱਚ ਅਕਸ਼ੈ ਇੱਕ ਵਾਰ ਫਿਰ ਆਪਣੀ ਫਿਲਮ OMG 2 ਦੇ ਲੁੱਕ ਵਿੱਚ ਨਜ਼ਰ ਆ ਰਹੇ ਹਨ। ਭਾਵ ਇਸ ਗੀਤ ‘ਚ ਸ਼ੰਭੂ ਖੁਦ ਮਹਾਦੇਵ ਦੇ ਰੂਪ ‘ਚ ਨਜ਼ਰ ਆ ਰਿਹਾ ਹੈ।
ਅਕਸ਼ੇ ਕੁਮਾਰ ਦੀ ਗਾਇਕੀ ਆਈ ਸੱਭ ਨੂੰ ਪਸੰਦ
ਅਕਸ਼ੇ ਕੁਮਾਰ ਨੇ ਐਕਸ਼ਨ ਤੋਂ ਲੈ ਕੇ ਕਾਮੇਡੀ ਤੱਕ ਸਭ ਨੂੰ ਆਪਣੀ ਅਦਾਕਾਰੀ ਦਾ ਦੀਵਾਨਾ ਬਣਾ ਦਿੱਤਾ ਹੈ। ਇਸ ਤੋਂ ਬਾਅਦ ਉਸ ਨੇ ਗਾਇਕੀ ਵਿੱਚ ਵੀ ਹੱਥ ਅਜ਼ਮਾਇਆ ਹੈ। ਇਸ ਮਿਊਜ਼ਿਕ ਵੀਡੀਓ ‘ਸ਼ੰਭੂ’ ‘ਚ ਅਕਸ਼ੈ ਮਹਾਦੇਵ ਦੇ ਰੂਪ ‘ਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਅੰਦਾਜ਼ ਅਤੇ ਆਵਾਜ਼ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਕੁਝ ਦਿਨ ਪਹਿਲਾਂ ਅਕਸ਼ੇ ਨੇ ਇਸ ਗੀਤ ‘ਸ਼ੰਭੂ’ ਦਾ ਟੀਜ਼ਰ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕੀਤਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਗੀਤ ਨੂੰ ਅਦਾਕਾਰ ਅਕਸ਼ੈ ਕੁਮਾਰ ਨੇ ਇਕੱਲੇ ਨਹੀਂ ਗਾਇਆ ਹੈ। ਸਗੋਂ ਇਸ ਵਿੱਚ ਸੁਧੀਰ ਯਾਦੂਵੰਸ਼ੀ ਅਤੇ ਵਿਕਰਮ ਮਾਂਟਰੋਜ਼ ਨੇ ਉਸਦਾ ਸਾਥ ਦਿੱਤਾ ਹੈ ਅਤੇ ਇਸ ਗੀਤ ਦੇ ਬੋਲ ਅਭਿਨਵ ਸ਼ੇਖਰ ਨੇ ਲਿਖੇ ਹਨ।
ਅਕਸ਼ੇ ਕੁਮਾਰ ਦੇ ਦੇ ਆਉਣ ਵਾਲੇ ਪ੍ਰੋਜੈਕਟ
ਅਕਸ਼ੇ ਕੁਮਾਰ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਅਕਸ਼ੈ ਇਸ ਸਮੇਂ ਕਈ ਪ੍ਰੋਜੈਕਟਾਂ ‘ਚ ਰੁੱਝੇ ਹੋਏ ਹਨ। ਜਿਸ ਵਿੱਚ ਫਿਲਮ ਬਡੇ ਮੀਆਂ ਛੋਟੇ ਮੀਆਂ, ਹਾਊਸਫੁੱਲ 5, ਰਾਉਡੀ ਰਾਠੌਰ 2, ਵੈਲਕਮ 3 ਅਤੇ ਸਕਾਈ ਫੋਰਸ ਸਮੇਤ ਕਈ ਫਿਲਮਾਂ ਦੇ ਨਾਂ ਸ਼ਾਮਲ ਹਨ।
ਇਸ ਗੀਤ ‘ਚ ਅਕਸ਼ੇ ਦਾ ਅਵਤਾਰ ਬਹੁਤ ਹੀ ਵੱਖਰਾ ਹੈ, ਉਹ ਹੱਥਾਂ ‘ਚ ਸ਼ੰਖ ਅਤੇ ਡਮਰੂ ਲੈ ਕੇ ਤਾਂਡਵ ਕਰਦੇ ਨਜ਼ਰ ਆ ਰਹੇ ਹਨ। ‘ਸ਼ੰਭੂ’ ਦੇ ਰੌਕਿੰਗ ਸੰਗੀਤ ਦੇ ਨਾਲ-ਨਾਲ ਗੀਤ ਦੇ ਵੀਡੀਓ ‘ਚ ਅਕਸ਼ੈ ਕੁਮਾਰ ਨੇ ਜਿਸ ਤਰ੍ਹਾਂ ਦੀ ਐਨਰਜੀ ਦਿਖਾਈ ਹੈ, ਉਹ ਵੀ ਕਮਾਲ ਦੀ ਹੈ। ਤੁਸੀਂ ਵੀ ਦੇਖੋ ਇਹ ਵੀਡੀਓ.