![Amar Sngh Chamkila Movie](https://pollywoodtadka.com/wp-content/uploads/2024/02/Amar-Sngh-Chamkila-Movie.png)
Amar Sngh Chamkila Movie : ਅਦਾਕਾਰਾ ਪਰਿਣੀਤੀ ਚੋਪੜਾ ਵਿਆਹ ਤੋਂ ਬਾਅਦ ਆਪਣੇ ਗਾਇਕੀ ਕਰੀਅਰ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੀ ਹੋਈ ਹੈ। ਉਹ ਸਟੇਜ ਸ਼ੋਅ ਵੀ ਕਰ ਰਹੀ ਹੈ। ਹੁਣ ਉਨ੍ਹਾਂ ਦੇ ਗਾਇਕੀ ਕਰੀਅਰ ਨੂੰ ਲੈ ਕੇ ਇੱਕ ਵੱਡੀ ਖਬਰ ਆ ਰਹੀ ਹੈ। ਇਹ ਵੀ ਕਿਹਾ ਜਾ ਸਕਦਾ ਹੈ ਕਿ ਉਸ ਨੂੰ ਗਾਇਕੀ ਲਈ ਵੱਡਾ ਬ੍ਰੇਕ ਮਿਲਣ ਵਾਲਾ ਹੈ। ਪਰਿਣੀਤੀ ਨੂੰ ਇਮਤਿਆਜ਼ ਅਲੀ ਦੀ ਅਗਲੀ ਫਿਲਮ ਚਮਕੀਲਾ ਲਈ ਗਾਉਣ ਦਾ ਵੱਡਾ ਆਫਰ ਮਿਲਿਆ ਹੈ। ਇਸ ਐਲਾਨ ਤੋਂ ਬਾਅਦ ਪਰਿਣੀਤੀ ਨੇ ਹਾਲ ਹੀ ‘ਚ ਲਾਈਵ ਪ੍ਰਫਾਰਮ ਵੀ ਕੀਤਾ ਹੈ। ਹਾਲਾਂਕਿ ਲਾਈਵ ਪਰਫਾਰਮੈਂਸ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਜ਼ਿਆਦਾਤਰ ਲੋਕਾਂ ਨੇ ਪਰਿਣੀਤੀ ਨੂੰ ਸੋਸ਼ਲ ਮੀਡੀਆ ‘ਤੇ ਟ੍ਰੋਲ ਕੀਤਾ। ਇਸ ਦੌਰਾਨ ਖਬਰ ਆ ਰਹੀ ਹੈ ਕਿ ਪਰਿਣੀਤੀ ਚਮਕੀਲਾ ਫਿਲਮ ‘ਚ 15 ਗੀਤ ਗਾਉਣ ਵਾਲੀ ਹੈ।
ਅਮਰ ਸਿੰਘ ਚਮਕੀਲਾ ਤੇ ਬਣੇਗੀ ਫਿਲਮ
ਇਹ ਫਿਲਮ ਵਿਵਾਦਤ ਪੰਜਾਬੀ ਲੋਕ ਗਾਇਕ ਅਮਰ ਸਿੰਘ ਚਮਕੀਲਾ ਦੀ ਬਾਇਓਪਿਕ ਹੈ। ਅਮਰ ਸਿੰਘ ਚਮਕੀਲਾ ਆਪਣੇ ਬਾਗੀ ਰਵੱਈਏ ਲਈ ਜਾਣਿਆ ਜਾਂਦਾ ਸੀ। ਇਸ ਫਿਲਮ ‘ਚ ਦਿਲਜੀਤ ਦੋਸਾਂਝ ਅਤੇ ਪਰਿਣੀਤੀ ਚੋਪੜਾ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣ ਵਾਲੇ ਹਨ। ਫਿਲਮ ‘ਚ ਦਿਲਜੀਤ ਅਮਰ ਸਿੰਘ ਚਮਕੀਲਾ ਦੇ ਕਿਰਦਾਰ ‘ਚ ਨਜ਼ਰ ਆਉਣਗੇ, ਜਦਕਿ ਪਰਿਣੀਤੀ ਚਮਕੀਲਾ ਦੀ ਪਤਨੀ ਅਮਰਜੋਤ ਕੌਰ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ। ਪਰਿਣੀਤੀ ਚੋਪੜਾ ਇਸ ਫਿਲਮ ‘ਚ 15 ਗੀਤ ਗਾਉਣ ਜਾ ਰਹੀ ਹੈ। ਹਾਲ ਹੀ ‘ਚ ਇਕ ਗੱਲਬਾਤ ਦੌਰਾਨ ਪਰਿਣੀਤੀ ਨੇ ਇਸ ਬਾਰੇ ਗੱਲ ਕੀਤੀ। ਪਰਿਣੀਤੀ ਨੇ ਕਿਹਾ ਕਿ ਇਸ ਫਿਲਮ ਨੂੰ ਕਰਨ ਦਾ ਇੱਕ ਮੁੱਖ ਕਾਰਨ ਇਹ ਸੀ ਕਿ “ਮੈਨੂੰ ਇਸ ਵਿੱਚ ਲਗਭਗ 15 ਗੀਤ ਗਾਉਣੇ ਮਿਲ ਰਹੇ ਸਨ। ਇਸ ਫਿਲਮ ਦੌਰਾਨ ਮੇਰੇ ਸਹਿ-ਕਲਾਕਾਰ ਦਿਲਜੀਤ ਨੇ ਮੈਨੂੰ ਗਾਉਂਦੇ ਸੁਣਿਆ ਅਤੇ ਮੈਨੂੰ ਲਾਈਵ ਪਰਫਾਰਮ ਕਰਨ ਲਈ ਕਿਹਾ। ਮੇਰੇ ਆਲੇ-ਦੁਆਲੇ ਦੇ ਹਰ ਕਿਸੇ ਨੇ ਮੈਨੂੰ ਕਿਹਾ ਕਿ ਮੈਂ ਸਟੇਜ ‘ਤੇ ਗਾ ਸਕਦੀ ਹਾਂ।”
ਦਰਅਸਲ, ਫਿਲਮ ਮੇਕਰ ਇਮਤਿਆਜ਼ ਅਲੀ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਜ ਨਾਲ ਪੰਜਾਬੀ ਗਾਇਕ Amar Sngh Chamkila Movie ਬਣਾ ਰਹੇ ਹਨ। ਹੁਣ ਫ਼ਿਲਮ ਮੇਕਰ ਨੇ ਅਮਰਜੀਤ ਕੌਰ ਨੂੰ ਇਸ ਫ਼ਿਲਮ ਵਿੱਚ ਮਰਹੂਮ ਗਾਇਕ ਚਮਕੀਲਾ ਦੀ ਪਤਨੀ ਪਰਿਣੀਤੀ ਚੋਪੜਾ ਦੀ ਭੂਮਿਕਾ ਦੀ ਪੇਸ਼ਕਸ਼ ਕੀਤੀ ਹੈ। ਅਮਰਜੀਤ ਕੌਰ ਵੀ ਗਾਇਕਾ ਸੀ। ਰਿਪੋਰਟਸ ‘ਚ ਕਿਹਾ ਜਾ ਰਿਹਾ ਹੈ ਕਿ ਪਰਿਣੀਤੀ ਨੇ ਇਹ ਫਿਲਮ ਇਸ ਲਈ ਸਾਈਨ ਕੀਤੀ ਹੈ ਕਿਉਂਕਿ ਇਸ ਫਿਲਮ ‘ਚ 15 ਗੀਤ ਹਨ।
ਪਹਿਲਾ ਵੀ ਗਾ ਚੁੱਕੀ ਹੈ ਗੀਤ
ਪਰਿਣੀਤੀ ਚੋਪੜਾ ਨੇ ਸਾਲ 2017 ਵਿੱਚ ਆਪਣੀ ਫਿਲਮ ‘ਮੇਰੀ ਪਿਆਰੀ ਬਿੰਦੂ’ ਦੇ ਗੀਤ ‘ਮਾਨ ਕੇ ਹਮ ਯਾਰ ਨਹੀਂ’ ਨੂੰ ਆਪਣੀ ਆਵਾਜ਼ ਦਿੱਤੀ ਸੀ। ਇਸ ਤੋਂ ਇਲਾਵਾ ਅਦਾਕਾਰਾ ਨੇ 2019 ਦੀ ਫਿਲਮ ‘ਕੇਸਰੀ’ ‘ਚ ਦੇਸ਼ ਭਗਤੀ ਦਾ ਗੀਤ ‘ਤੇਰੀ ਮਿੱਟੀ’ ਗਾ ਕੇ ਆਪਣੀ ਆਵਾਜ਼ ਦਾ ਜਾਦੂ ਬਿਖੇਰਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 2021 ਦੀ ਫਿਲਮ ‘ਦਿ ਗਰਲ ਆਨ ਦ ਟ੍ਰੇਨ’ ਦਾ ਗੀਤ ‘ਮਤਲਬੀ ਯਾਰੀਆਂ’ ਗਾਇਆ। ਅਭਿਨੇਤਰੀ ਨੇ ਵਿਆਹ ‘ਚ ‘ਓ ਪਿਯਾ’ ਆਪਣੇ ਪਤੀ ਰਾਘਵ ਚੱਢਾ ਨੂੰ ਸਮਰਪਿਤ ਕੀਤੀ ਸੀ, ਜਿਸ ਨੇ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰ ਦਿੱਤਾ ਸੀ। ਪਰਿਣੀਤੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਸੀ।